مفتاح دوت مى | مفتاحك لعالم أجمل

Thursday, April 30, 2009

وصفات باستخدام البشاميل

وصفات باستخدام البشاميل


اليكم طريقه سهله لعمل البشاميل وبعض الوصفات اللذيذه التى تصلح فى العزومات او للتغير عن المعتاد

البشاميل
الطريقه المثاليه لعمل البشاميل الناجح
1- خفيف نضع لكل معلقه دقيق ممسوحه كوب لبن واحد بارد ومعلقه زيت نباتى واحده
2-لعملها متوسطه الغلظه لكل معلقه دقيق ممتلئه كوب لبن واحد بارد ومعلقه زيت نباتى واحده
3-لعملها سميكه لكل معلقتين دقيق كوب لبن واحدبارد ومعلقه زيت نباتى واحده

فى حله كبيره تضعى الزيت
وعلى البارد ضيفى الدقيق وقلبيه بمضرب السلك اليدوى حتى يتشرب الزيت فى الدقيق تماما
وعلى النار قلبى المقدار حتى الحصول على اللون الذهبى الفاتح
ابعدى الاناء عن النار وضيفى كل مقدار اللبن البارد مره واحده ويعاد على النار مع التقليب المستمرحتى يغلظ القوام
((ملحوظه اضافه اللبن بارد يمنع حدوث الكلاكيع والتعقدات فى البشاميل))
اطفئ النار وابعدى الاناء عن مصدر الحراره وضيفى الملح والفلفل الاسود ورشه خفيفه جوزة الطيب
**************************************

1- خضار بالبشاميل
نصف كيلو خضار مشكل مسلوق وبدون ماء ومملح
نصف كيلو لحم معصج بالبصله فقط دون طماطم
ويقلب المقدار على بعضه ويضاف البشاميل الخفيف ويرش على وجه القالب رشه جبن مبشور
يقدم مع الارز الابيض

2-الفراخ بالبشاميل
كيلو صدور فيليه مقطع الى اجزاء بحجم عين الجمل
يسوى فى اناء مع نقطتين زيت زيتون وملح وفلفل وفص ثوم مبشور
يضاف اليه فلفل ملون مقطع مكعبات حتى يكمل السواء
ويضاف الزعتر الاخضر او الجاف بكميه معقوله ويقلب المقدار
يضاف البشاميل الخفيف ويدخل الفرن ليحمر الوجه

يقدم مع بطاطس محمره ومكرونه بيضاء او ارز ابيض وسلطه

3-بطاطس بالبشاميل
حلقات بطاطس رفيعه ومملحه جيدا
ترص فى القالب بانتظام كانها قشور سمك
يرش عليها مقدار من البشاميل الخفيف والمضاف اليه جوزة الطيب المبشوره حتى يغطى البطاطس
وعلى الوجه يضاف معلقتين بشاميل سميك وتدخل الفرن للتسويه
ثم توضع على الرف العلوى لتمام تحمير الوجه

تقدم مع الخبز او الارز الابيض والسلطه

4-كوسه بالبشاميل
كوسه مقطعه بالنصف ثم بالطول فى شكل صفائح صغيره
تسلق بماء بسيط مملح
تنشل من ماء السلق وترص نصفها فى القالب
توضع مقدار من اللحم المعصج بدون طماطم
ويغطى بمقدار الكوسه المتبقى
تضاف البشاميل المتوسط السمك حتى يتخلل القالب كله
يدخل الفرن لتحمير الوجه ويقدم ساخنا مع الارز والسلطه والفراخ

اتمنى ان تعجبكم هذه الوصفات والى اللقاء مع وصفات اخرى باذن الله
بالهنا والشفا

www.ahlawia.com


www.damnhour.com


www.egypt4fun.com


www.moftahy.net

No comments:

Related Posts Plugin for WordPress, Blogger...

المرأة و الأسرة

اخبار الحوادث

مكتبة الفيديو