طريقة عمل كانيلوني باللحمة المفرومة

• 
• 

كانيلونى باللحمة المفرومة

 

 

 

كانيلونى باللحمة المفرومة من المطبخ الإيطالى

• 
  

الوقت

• وقت التحضير : 10 دقائق
• وقت الطهي : 20 دقيقة
• الوقت الكلى : 30 دقيقة

عدد الاشخاص

يمكنك تغيير عدد الاشخاص

الادوات المستخدمه

• صينية بايركس

المقادير

• 1 x عدد علبة عجينة كانيلونى جاهزة
• ¼ x كوب (240 مللى) جبنة بارميزان (مبشورة)

مقادير صوص البشاميل

• 4 x معلقة كبيرة دقيق
• 4 x معلقة كبيرة زبدة (مكعبات)
• 2 x معلقة كبيرة زعتر (فريش)
• 2 x عدد ورق لورا
• 1 x معلقة صغيرة ملح
• 1 x لتر لبن كامل الدسم
• 1 x عدد حباية جزر (مقطعة لقطع كبيرة)
• 1 x عدد بصلة (مقطعة لقطع كبيرة)
• ½ x معلقة صغيرة حباية جوزة الطيب (مبشورة)

مقادير تعصيج اللحمة المفرومة

• 2 x معلقة كبيرة سمن (أو زيت)
• 1 x معلقة صغيرة زعتر (اختيارى)
• 1 x عدد فص ثوم (مفروم)
• 1 x معلقة صغيرة بهارات لحمة
• 1 x معلقة صغيرة فلفل اسود مطحون
• 1 x معلقة صغيرة ملح
• 1 x عدد بصلة
• ½ x معلقة صغيرة قرفة (اختيارى)
• ½ x كيلو لحمة مفرومة

الخطوات

1. هنحضر البشاميل بس يكون خفيف القوام

   1. فى حلة على النار هنضيف اللبن والجزر والبصل واللورا والزعتر ونسيبه يغلى وبعدين نصفيه من المكونات ونسيبه يبرد.
   2. فى حلة على النار هنسيح الزبدة ونضيف الدقيق ونقلب كويس لحد ما الخليط يتجانس.
   3. هنضيف اللبن تدريجيا على الزبدة والدقيق ونقلب كويس وبسرعة لحد ما قوام الصوص يتماسك ويبدأ يغلى وبكده يبقى الباشاميل جاهز

2. هنحضر اللحمة المفرومة

   1. هنقطع البصلة مكعبات صغيرة.
   2. فى حلة على نار متوسطة هنضيف معلقتين سمنة ونضيف البصل ونقلبه كويس لحد ما يتحول للون الذهبى.
   3. هنضيف فص الثوم المفروم ونقلب كويس.
   4. هنوطى النار ونضيف اللحمة ونفتتها كويس بمعلقة خشب.
   5. هنضيف البهارات ونقلب كويس لحد ما اللحمة يبقى لونها بنى فاتح.
   6. هنسيب اللحمة على نار هادية وهنقلبها كل شوية لحد ما تنزل ميتها وتشربها تانى.
3. قبل ما نحشى عجينى الكانيلونى لازم نتأكد ان اللحمة المفرومة بردت لأنها لو سخنة هتبوظ العجينة.
4. هنجيب الصينية البايركس ونضيف شوية بشاميل وبعدين هنبدأ نحشى العجينة, هنسدها من ناحية بإدينا من تحت ونحشيها باللحمة المفرومة باستخدام معلقة صغيرة لحد ما نملاها وبعدين نرصها فى الصينية.
5. بعد ما نرص كمية الكانيلونى كلها هنضيف باقى البشاميل فوق الكانيلونى وبعدين نضيف الجبنة المبشورة.
6. هندخل الصينية الفرن على درجة حرارة 180 لمدة 20 دقيقة وبالهنا والشفا.