Wednesday, June 15, 2011

طريقة عمل الكشرى المصرى بالصور



9 من 10 (الاصوات : 2)9 من 10 (الاصوات : 2)9 من 10 (الاصوات : 2)9 من 10 (الاصوات : 2)9 من 10 (الاصوات : 2)9 من 10 (الاصوات : 2)9 من 10 (الاصوات : 2)9 من 10 (الاصوات : 2)9 من 10 (الاصوات : 2)9 من 10 (الاصوات : 2)
وصفة و طريقة عمل الكشرى المصرى   في مطبخ فتكات
ادوات الطبخة
  • اضيفيها الى وصفاتك المفضلة! 

مرات الارسال: 0


  • الكمية تكفي: 4 أشخاص
  • وقت التحضير: 45 دقيقة
  • وقت الطهي: 30 دقيقة
  • المقادير: - عدس - ارز - شعريه - مكرونه اسباجتى ( وممكن نوع تانى معاها لو تحبى بس هى الاساس ) - طماطم - توم - بصل
  • الطبخ: الاول هانعمل التقليه اللى بيقولوا عليها فى المحلات الورد

    - هانقطع البصل شرايح ونحطه فى الزيت وعليه رشه ملح بسيطه علشان يقرمش ويبقى زى بره بالظبط ..والشرايح شكلها كده...ونقلب على نار عاليه لحد مايوصل للون ده

    - نشيله على مناديل مطبخ علشان الزيت الزيادة ونركنه على جمب

    - نفرم شويه توم حلوين ونحمرهم لحد مايوصلو للون الدهبى وننزل عليهم بمعلقتين خل وبعدها نحط عصير الطماطم ونحط ملح وفلفل اسود بسيط ورشه كمون ونهدى عليها النار تتسبك

    - ولما تتسبك ونحط عليها ميه مش كتير بحيث ان الصلصه تبقى تقيله زى بتاعه المحلات بالشكل ده

    - نفس الحله اللى حمرنا فيها البصل هانحمر الشعريه فيها فى نفس الزيت ونحط معاها مكرونه صغننه خااااااااااالص زى كده ونقلب لغايه ماتتحمر بالشكل ده ..

    - وننزل عليها بالرز المغسول ونقلب لغايه مايبقوا كده
    وبعدها ننزل بالمايه عليه زى مابتسوى رز عااااااادى وظبطى ملحك

    - وفى نفس الوقت نبدأنسلق المكرونه ولما تتسلق تتصفى فى مصفاه ونحط عليها معلقه زيت ونقلب علشان متمسكش فى بعضها

    - ونغسل العدس ونحط حله فيها مايه تغلى مش كتير يادوب تغطى العدس ونحطه على نار هاديه

    - وسيبيه خمس دقايق وبعدين روحى دوقى لقيتيه لسه عايز سوا حطى شويه ميه وحبه ملح صغننين وتسيبيه يشرب مايته وطبعا ماتسويهوش قووووووووى لازم يبقى ماسك نفسه هيبان فى الصور كل حبايه لوحده دلوقتى كله جاهز

    - نغرف الرز الاول...بعديه العدس واتوصوا... بعديه المكرونه....وبعدين الصلصه ....وفى الاخر الورد ( التقليه ) ويبقى شكل طبقنا كده

    - وبعدين ساعه الاكل تحطى الشطه والدقه...وللاسف مش صورت الدقه بس هى سهله

    - فى الكبه تفرمى توم وفلفل وملح بسيط ورشه كمون وشطه

    - وتحطيهم فى نص كوبايه مايه مغليه مع نص كوبايه خل واعصرى ليمونتين وقلبى ودوقى محتاجه ملح حطى

    - وكل الخطوات دى تتعمل فى وقت واااااااااااااحد كل حاجه على عين من البوتجاز هاتلاقيكى خلصتى بسرعه ومحسيتيش بيه

No comments:

المرأة