skip to main |
skip to sidebar
طريقة عمل الاوزي الشامي بالصور
- نوع الوصفة: مقبلات و مشهيات
- محتوى الوصفة: عام
- درجة الصعوبة: سهلة
- خصائص: سريعة التحضير محببة للاطفال
- تاريخ الاضافة: 27-7-2011
- الاضافة بواسطة: سارة84
- الكمية تكفي: 4 أشخاص
- وقت التحضير: 15 دقيقة
- وقت الطهي: 20 دقيقة
- المقادير: - ورق سبرينغ رول ممكن تستعملي الجلاش - 600 غ لحمة مقطعة راس عصفور (قطع صغيرة) - نص كيلو بازيلا - 3 كوب رز مصري - ملعقة صغيرة من كل من بهار مشكل + كمون مطحون + زنجبيل بودرة + ملح - 200 غ لوز مقطع شرائح
- التحضير: - مقادير الحشو وطريقته منحط زيت عالنار منحط حوالي 600 غ لحمة مقطعة راس عصفور منقلب لحد ماتحمر منيح
- منضيف حوالي نص كيلو بازيلا وشي نص كاسة مي
- ومنتركهن يغلو لحد ماتنشف المي منضيف 3 كوب رز مصري قصير الحبة ومنقلب ومنحط 6 اكوب ماء
- بس تغلى المي و تصير بنصها منحط ملعقة صغيرة من كل من بهار مشكل + كمون مطحون + زنجبيل بودرة ومنضيف ملح حسب الرغبة
- ومنقلب ومنتركهن يستوو بهدوء
- بس يكمل السوا منترك الحشو يبرد ومنضيف عليه حوالي 200 غ لوز مقطع شرائح ومحمص بالزيت ومنقلب كتير منيح وهاد شكل الحشو
- الطبخ: - منجيب ورق السبرينغ رول وهاد شكله
- ومنجيب زبدية صغيرة او متوسطة و منحط الورقة متل الشكل بالصورة
- منحط حوالي 4 ملعقة كبيرة من الحشو
- ومنقفل بهالشكل ومنقلب الزبدية وهاد الشكل الي منحصل عليه
- هون صفيت الاوزي بصينية مدهونة و مندهن وش الاوزي بالزيت ومندخلها عفرن
حامي
- وهون لما صفيتها للتقديم
Posts
No comments:
Post a Comment