طريقة عمل الديك الرومى بالصور و التوضيح و الشرح الذيذ

اولا مقادييييييييييييييييييييييييييييييير الطبخة
ديك رومى وزنه 8 كيلو
قولوا ماشاء الله لا قوة الا بالله

******التتبيلة******
بهارات من كل شكل ولووووون
ملح وفلفل وحبهان ولورا وجوزة الطيب مبشورة
وروز مارى وقرفة وجنزبيل وبهارات فراخ
وبصلتين و3حبات طماطم
وفصين توم
وامسكيهم زى الشاطرة كدة واضربيهم فى الخلاط
وتكونى ظابطة الملح طبعا
وتكونى غاسلة الديك بالخل والملح
ومخلياه زى الفل
وبعدها تتبلى المحروس بالتتبيلة دى
من كل ناحية وتحاولى تدخلى ايدك بالتتبيلة فى كل حتة
وكمان تحت الجلد علشان يتشرب منه
وبعد كدة تكتفيه

وتحطيه فى حلة وتغطيه بالاسترتش
(بلاستيك التلاجة)
علشان موش يسرب ريحة للتلاجة وكمان يتتبل كويس
ويبات فى التلاجة يوم كامل
بالشكل ده

بعدها تجيبى المحروس وتجيبى خيط
يكون متين شوية
وتغسليه
كويس
وتربطيه علشان موش يتفكك منك وهو بيستوى
ويكون شكله حلو

وبعدها تحضرى الخضار اللى هتسويه معاه
انا عملت بطاطس
ممكن كوسة او اى حاجة بتحبيها
هتجيبى
طماطم وبطاطس مكعبات وبصل شرايح
وفلفل حاااااااار او رومى براحتك


انا خليته حار
علشان محدش ياكل منها غيييييرى
ههههههه
وتجيبى المحروس بتاعك بعد مااتربط الربطة اللى هى
وتتبلى الخضار بتاعك من التتبيلة اياها
(تتبيلة الديك)

وتجيبى نصف كوب زبدة او سمن براحتك بردو
وتقلبيها بشوية من التتبيلة
وتدهنى الديك كله منها

وتكونى محضرة الفرن
وتحطى الديك فى صينية كبيرة وحواليه البطاطس والخضار
حاجة كدة تونسه فى الفرن

وتسيبيه فى الفرن لمدة 5ساعات
(على كل كيلو نصف ساعة)
وكل شوية تراقبيه وتاخدى من الصوص اللى نزل وتسقى الديك بالكامل
تقريبا كدة كل ساعة تعملى الحركة دى
علشان موش ينشف ويبقى محروق من برة
ونئ من جوة
بس كدة
ده بعد خروج المرحوم من الفرن

وانا كنت عاملة رز بالشعرية
وسلطة

ودى البطاطس مع الصوص بتاع الديك كانت ماشاء الله تحففففففة

وباقى الحاجات بتاعة العزومة ماما وهدى اختى هما اللى كانو عاملينها علشان كدة موش صورتها
والطبق ده للى بيحب الدبوس

والطبق ده للى بيحب الصدر