ضلوع اللحم الضانى في الفرن

بواســــــــطة : شملولة
تاريخ النشر : الأربعاء, 03 أغسطس 2011

الوصفة

الفيديو

♨ المقادير :

• 2 ضلع ضأن
• 3 فصوص ثوم كبيرة
• 2 ملعقة روزماري
• 1/2 كوب خردل
• ملعقة كبيرة خل بلسمك
• 1/2 ملعقة صغيرة ملح خشن

♨ طريقة التحضير والطهى :

1. نضع الملح والروزماري والثوم في الخلاط ونخلط ثم نضع الخردل " المستردة " والخل ونخلط مرة أخرى
2. نضع الخليط فوق اللحم وينقع في التتبيلة وتترك في درجة حرارة الغرفة
3. يوضع اللحم في صينية وتدخل الفرن على درجة عالية إلى أن تحمر وتنضج 
4. بعد خروج اللحم من الفرن يلف ورق الألومنيوم ويترك لمدة 15 دقيقة وتقدم مع الأرز والخضروات

اضغط للتكبير

زمن تحضير الطبخــــة   :    10 دقائق زمن الطهى على النــار   :    35 دقيقة

فطائر مشكله بحشو مختلف

المقادير

---------

3 كوبايات دقيق -3 معالق كبار زبده بلدى او صفراء -ثلث كوب زيت

معلتين خميرة فوريه-3 معالق كبار حليب بودر -فنجال صغير سكر

بيضه واحده -ملح

الطريقه

----------

بحط كله على بعضه واعجن بماء دافىء

لحد ما العجينه تلم معاياوتسيب الطبق

اعجنهم واسيبها تخمر

معلش كنت نسيت البيض قولت اصورة غلبان

نبدا بقى ندوب الدقيق بالمكونات قبل الماء

اسيبها نص ساعه تخمر

دا شكلها بعد ما خمرت ماشاء الله

نخش على الحشو

اول حشو لحمه مفرومه مع فلفل وطماطم وجبنه مثلثات

تانى حشو السبانخ

بدبل بصله وانزل بالسبانخ واحطلها معلقة سماق وعصرة ليمونه وملح وفلفل وكمون

تالت حشو جبنه على شوية قشطه على زيتون

وانتى بقى واللى تفضليه فى الحشوات براحتك

نبدا فى التشكيل

----------

دا شكل الشبكه

وارصها فى صنيه مدهونه زيت واسيبها تخمر واخبزها عادى ودا شكلها بعد الخبززز

شوفوا هشه ازاى ماشاء الله

اتمنى الموضوع يعجبكم

بريانى الدجاج بالروب الزبادى

 

أهلا يا بنات كل سنة و انتم طيبيبن و يا رب تكونو بألف خير .. دى بأه أول مرة أنزل لكم وصفة من المطبخ الهندى مع انى من عشاقه برغم عدم حبى للأكل الحار لكن انا بتحايل على النقطة دى و مش بحط شطة و لا فلفل حار و بكتفى ببهارات الأكلة و البابريكا .. هى أكلة سهلة ان شاءالله و لذيذة و اتمنى تجربوها و ان شاءالله تعجبكم ♠♥بريانى الدجاج بالروب (الزبادى) ♥♠


♥ نبدأ بسم الله ♥



نصف كيلو صدور دجاج مخلية ... كوب زبادى ... 2 حبة بصل للطبخ و التزيين ... كوب ماء ... مكعب مرقة ... ملح و فلفل .. قرفة ... حبهان مطحون ...بهارات دجاج ... رشة جوزة الطيب ... بابريكا أو الأصح شطة لأن الأكل الهندى مشطشط ... ليمونة تضاف بعد انتهاء الطهى ... 2 كوب أرز




يقطع الدجاج مكعبات ثم تفرم بصلة و تحمر على النار لتصبح لونها ذهبى و نضيف لها مكعبات الدجاج مع التحريك و البصلة الأخرى تقطع جوليان و تحمر لتجميل الطبق


عندما يتغير لون الدجاج يضاف له كوب الزبادى و البهارات




ثم يضاف مكعب المرقة و الماء و اخيرا الملح


تترك على النار من 10 دقائق لربع ساعة لتنضج


لعمل الأرز بالطريقة المعتادة يقدح معلقتين زيت و تحمص فيهم الشعرية و ممكن الاستغناء عنها ثم يضاف الأرز المغسول و عليه 2 كوب ماء و الملح و يضاف للأرز فى طبق البريانى معلقة صغيرة من القرفة و الحبهان ويترك لينضج على نار هادئة


يعد نضج الدجاج و الأرز يقدم الطبق بعمل طبقة من الأرز ترص عليها طبقة من قطع الدجاج ثم الطبقة الأخير من الأرز و الأفضل فى قالب ثم تقلب فى طبق التقديم


و يزين بريانى الدجاج بالزبادى بالبصل المحمر على وجه الأرز


و يقدم الطبق مع سلطة خضراء وياريت تكون دائما على السفرة يوميا



و لا تنسونى بدعواتكم الطيبة و تقييمكم