كتاب اصنعى البيتزا بطرق مختلفة

كتاب اصنعى البيتزا بطرق مختلفة







للتحميل

http://downloads.ziddu.com/downloadfile/8005905/btza1.rar.html

سويس رول جزع الشجرة بالصور من مطبخي - سويسرول

المقادير

ربع كيلو دقيق تورته اسفنجيه جاهز

3بيضه

ربع كوب ماء

كريم شانتيه
كاكاو
مقدار صغير من عجينه الفوندان

الطريقه

سخني الفرن اولا

بطني صاج مستطيل اوصنيه مستطليه بقليل من الزيت والدقيق ثم ضعي ورق زبده في ارض الصنيه او الصاج وادهنيه بمسحه خفيفه جدا من الزيت

اخفقي دقيق التورته الاسفنجيه مع البيض والماء لمده 10دقائق

صبي الخليط في الصنيه ودخليه الفرن علي الرف الاوسط لمده ربع ساعه

واسيبكم مع الشرح بالصور

اخفقي دقيق التورته الاسفنجيه مع 3بيضات وربع كوب ماء لمده 10 دقائق

صبي الخليط في صنيه او صاج مستطيل

تركتها في الرف الاوسط للفرن لمده ربع ساعه وهنا بعد ماخرجتها من الفرن

قطعت حواف الكيكه لانها بتكون ناشفه شويه وضعتها فوق ورق زبده مرشوش بقليل من سكر البودره





جهزت الكريم شانتيه وخلطته بشويه كاكاو



فردت الكريم شانتيه علي السويسرول

لفيته زي الاسطوانه وقطعت شريحه من السويسرول هستخدمها في تزيين الشجره

غلفت السويسرول بكريم شانتيه وعملت يالشوكه خطوط طوليه علي الكريمه

بعجينه الفوندان عملت اوراق شجر وورود للزينه



وبدأت ازينها قسمت شريحه السويسرول اللي قطعتها في الاول الي جزئين وغطتهم بالكريمه وعملت دواير بالابيض ووضعتها فوق جزع الشجره



وحطيت شويه من الفارماسيل الاخضر

ودا شكلها النهائي

طريقة رائعة لطبخ القلقاس بالصور

انا بقالى فترة انزل السوق و اسال على القلقاس
القيه ب 5 و 6 جنيه
و عشان اجيب قلقاسة محترمة مش اقل من 1,5 او 2 كيلو
المهم قررت اشترى قلقاسة امال هنعمل ايه مش هناكل يعنى
و بعدين الغالى للغالى هههههههههههه
جبت الست قلقاسة و صورتها صورة للذكرى

و لازم اول حاجة نقطع رقبتها و نحلقلها على الزيرو

فى حاجة مهمة لازم تعرفوها يا بنات
لازم لما تيجى تشترى القلقاس تكون قلقاسة وحدة عشان السوا يكون واحد
و كمان يا ريت منغسلهاش و لا نجيب جنبها ماية
حافظى على نطفتها وامسحيها بفوطة نضيفة بعد التقشير
و هنقطعها كدة

و كمان كده

و كدة كمان

مكعبات متوسطة و تكون كلها زى بعض تقريبا
عشان السوا يكون واحد
و هيبقى شكلها كدة

و هنجيب فرخة هانمو بعد متسلوقيها و تظبطيها

هناخد شوية شوربة و يكونوا بيغلو جدا
و نسقط فيهم القلقاس

و نسبهم شوية صغيرين مش كتير لحسن القلقاس يتهرى منك يا جميل
و نروح نجهز السلق و التوم
ازى
هنجيب السلق و نخد منه الورق الاخضر بس اوعى تاخدى الفروع عشان بيبقى شكلها وحش

و كمان الكزبرة الخضرة

و بردوا هناخد الورق
و نحطهم فى طاسة فيها شوية سمنة و زيت و نحمرهم لغاية ميبقى شكلهم كده

هتشليه من الطاسة و هنحطه فى الهون و تتطحنيه كويس و نحط بداله التوم المطحون مع الكزبرة الناشفة و الملح القليل


و بعد ما التومة تحمر يا شاطرة منك ليها هنطشها بالسلق زى الملوخية بالظبط
بس اوعى تعملى زى محمد صبحى لحسن الجيران يتلموا و ياكلوا القلقاس بتاعك
هههههههههههههههه
و لو عند بواقى صلصة طماطم ببصل او ببصل و توم هتحطى معلقتين

و ده احلى طبق قلقاس هتكليه و بالف هنا للى هيقيم

قوارب الكوسة من المطبخ و بالصور - القرع

بسم الله الرحمن الرحيم

كان فيه كوسة بالتلاجة متقورة وجاهزة من بواقي عزومتي اللي نزلتها الاسبوع اللي
فات بمنتدي الطبخ وبقيت مش عارفة اتصرف فيهم ازاي
وانا بعمل الغدا في يوم لاقيت الكيس طلعته وبصيت له وكلمته ههههههههههههه
يا تري هتفسدي وارميكي ولا هتتعملي حاجة وهي مش ردت عليا هههههههههه
المهم كملت الغدا وكنت بعمل صينية جلاش واتبقي لحمة مفرومة ضربت بدماغي ليه مش افتحها
واحشيها ببواقي اللحمة خاصة ان عندي باقي الحشو بالتلاجة

الكوسة اهي وانا بفكر فيها هههههههه

ودي فتحتها نصين علشان الحشو

وهنا اللحمة قطعت عليها فلفل الوان وشوية كرفس
معلش النور قطع وانا بطبخ الطاسة طلعت ضلمة هههههههههه

هنا بقي النور رجع ههههههههههه
اهي حشيتها وغطيت جزء منها بالجبن الشيدر

وهنا غطيت جزء منها بمبشور الجبنة الرومي

وحطيت لها نص كوباية شوربة ودخلتها بالفرن يدوب هي ربع ساعة وخرجتها

ورصيتها بالطبق جنب الغدا ورصيت حواليه شوية مخلل عمايل ايديا
لمون مخلل ولفت وقرنيط مخلل

اه علي فكرة لاقيت بطاطستين لا حول لهم ولا قوة ههههههههه
قورتهم واخدهم في زيت لمدة دقيقتين وحشيت ودخلتهم كمان الفرن
انتو عارفين الطريقة دي اكيد
اسمها قوارب البطاطس

سويسرول اللحم المفروم بالخضروات مع وردات البطاطس التحدي الثاني لمسابقه ايرن شيف

  طبق من اللحم المفروم وده كان طبقي

سويسرول اللحمه بالخضارمع وردات البطاطس البيوريه

 

سويسرول اللحمه بالخضار

دي اكله لذيذه وصحيه وشكلها جميل في التقديم

وكمان سهله وسريعه

لحمه مفرومه ناعم مش خشن ونضيف عليها بصل مبشور وملح وفلفل وبهارات وحبهان مطحون وبيضه ونعجنهم كويس

خضار مشكل مسلوق جزر وبسله وحمص او حسب رغبتك

هنخلط الخضار مع اللحمه انا هنا خلطه مع كل كميه اللحم انت ممكن تخلطيه مع نصفها بس وتحطيه في النصف علشان مفيش حاجه تقع في التقطيع النهائي من الخضار

ونحطهم علي ورقه الومونيوم ونلفهم رول

ونقفله كويس من الجوانب

ونحطه جوا الفرن في صنيه بها قليل من الماء علشان يستوي

ولما يستوي نتركه يبرد خالص وبعدين نفكه ونقطعه شرايح